(دهانات الدوكو )

دهانات الدوكو :

بدايه هانتكلم الاول عن شغل الموبيليا والنجاره وطبعا الشغل فيهم مختلف كليا عن الحوائط ويجب مراعاه ان النجاره او الموبيليا دائما معرضه للاحتكاك والصدمات وبالتالى كل ما كان طبقه المعجون اقل كلما زاد العمر الافتراضى للدهان ومعجون النجاره دائما يسحب على الصامت ولا داعى للتربيات بدون داعى.علشان كده لازم يكون من ضمن العده مبرد خشابى ولو امكن صاروخ سنفره وخاصه للابواب الموسكى  نقطه تانى مهمه مش كل خشب ينفع يدهن دوكو كمثال فى الموبيليا الكونتر الحور او الكونتر المصرى بسبب سوء السطح وكثره المطبات والتعريجات فيه (طبعا مش هايمنع انه يقبل الدهان لكن النتيجه لن تكون مرضيه ) نقطه تانيه وهى الابواب الموسكى  السوقى وخاصه الابواب ذات الحشوات هاتكون متعبه جدا فى شغلها خصوصا ان الدوكو كل شغل السنفره فيه بالمياه لان معرض ان الفواصل تنمل وانت شغال والمياه توصل للخشب وتبقى مشكله. 

-طبعا الدوكو كدهان يمتاز بالصلابه واللامعه العاليه وقوه تحمل الظروف الجويه ومقاوم للاصفرار ومقاوم للاحتكاك نسبيا بالنسبه للاكيه. كما يمتاز بالوانه الزاهيه. 

- التأسيس:  اول حاجه بنضف الشغل واتعامل مع اى زيادات فى الخشب باستخدام المبرد او الصاروخ او الصنفره الخشنه. وبعد تطهير الخشب ابدا مرحله المعجون (طبعا فيه صنايعيه بتعزل الخشب قبل المعجون بس انا هنا هاتكلم عن طريقتى الخاصه ) 

- هناك اكتر من نوع معجون للتأسيس ومافيش حاجه اسمها ايه احسن معجونه للتأسيس ( والكلام ده بينطبق على تاسيس الدوكو واللاكيه) بمعنى ان نوع الخشب هو اللى بيحدد نوع المعجون على سبيل المثال ممكن تكون المعجونه الفرنساوى (الورنيش ) ممتازه للكونتر الطبيعى لكن بتبقى رخمه اوى لو هاتسحب بيها على كونتر MDF او موسكى وفى النوعين دول انا بفضل معجونه الزيت  ومعجونه الزيت للاخشاب تركيبها غير معجونه زيت الحوائط صحيح نفس المكونات لكن بنراعى ان الزيت يكون نسبته اقل والغراء يكون اتقل. (ومابفضلش معجونه السينيتون او اللاكيه فى شغل الدوكو )

وبعد تجهيز المعجونه بكفى الشغل معجون يعنى مافيش حاجه اسمها لازم 2 سكينه او 3 او 1 الشغل هو اللى بيحكم عليك عدد مرات السحب وطبعا كل ما كان معجونك مكفى الشغل هايريحك فى الخطوات التاليه.ده بالنسبه للخشب العدل لكن لو الشغل فيه حليات او اويما(او برور الحلق مثلا ) دول ليهم معجونه مخصوص معجونه الجبس او البيجو ودى عباره عن سيبداج وغراء حمص وزنك وبنخليها خفيفه زى الدهان وبندهن الحلايا او الاويما بالفرشه مره واتنين واكتر لو محتاجه وطبعا بيتخلل الاوجه دى سنفره للتنعيم وكل مايكون المشط (مقطوط )يكون افضل وممكن انعم بقطعه قماش متنديه مياه فى حاله الاويما اللى فيها مزانق كتير. 

بعد سنفره المعجون بتبدا اول مراحل الدهان وهى العزل لو معجونه زيت يفضل عزلها بالجمالاكه خاصه لو نسبه الزيت كتيره فى المعجون اما باقى انواع المعجون يتم عزله بالسيلر النارى عن طريق الرش او الاسطوبين (لو معجونه الزيت نسبه الزيت فيها بسيطه ممكن تتعزل بسيلر ولكن عن طريق الرش فقط لان ممكن التنر يحل المعجونه وانت بتدهنها بالقطنه).

بعد تنعيم العزل بسنفره ناعمه يتم رش الشغل بوجهين او اكتر حسب حاله الشغل بالفيلر 

وفائده وجه  الفيلر هو عمل طبقه  (مخده حنينه ) للدوكو لان كما ذكرنا ان الدوكو شديد الصلابه وبدون الفيلر اى خبطه ممكن تخلى الدوكو يتقشر بسهوله وكمان بيملى اثار تجاريح الصنفره الجافه المستخدمه فى المعجون

طبعا بعد العزل والفيلر كده استخدام السنفره بيبقى سنفره دوكو ومياه فى بعض الاخوه الافاضل بيلقط فوق الفيلر لكن انا بفضل رش وش بطانه الاول والتلقيط عليه وده لان التلقيط علىالفيلر ممكن لما تيجى تسنفره بالمياه يكشف معاك الخشب وتبقى مشكله. التلقيط بيكون بمعجونه دوكو للعيوب الصغيره والاستوك للعيوب الكبيره. وماينفعش ارش دوكو فوق الاستوك مباشره لازم بعد سحقه بالسنفره والمياه اغطيه بمعجون دوكو والافضل اظفره على قده بالفيلر او البطانه(معجونه الاستوك تبقع معاك فى اللون الابيض والغوامق وهاتخليك تحس كأن المعجونه خسه ) 

بعد سحق المعجون بسنفره دوكو مناسبه ومياه بجفف الشغل جيدا وازيل اى اثر لتجيير السنفره بقطعه قماش نظيفه وابدا ارش الدوكو كالاتى :اول وجه يكون تقيل نسبيا ثم وجه اخف منه ثم وجه اخف وذلك للتنعيم وسهوله الغسيل وده بالنسبه للدوكو العادىاما الفرن  فيفضل ان يكون الرش فى كابينه او على الاقل مكان جاف وبعيدا عن الاتربه. بالنسبه للدوكو البلدى بعد رش ال3 اوجه وبعد جفافه يتم سحقه بسنفره 1000 ومياه حتى تضيع حبايه الرش ثم استعاده اللمعه بدعكه بالكمباوند الاول ثم البولش. كما يمكن رش وجه او وجهين ورنيش دوكو لامع او مط حسب الرغبه بعد سحقه بديلا عن الكمباوند والبولش. 

اسف للاطاله وطبعا دى طريقتى الخاصه بيا وطبعا كل الاحترام لكل الناس اللى ليها طريقه مختلفه. 

اتمنى من الله ان اكون وفقت وتحت امركم فى اى استفسار او اضافه ليستفاد الجميع. تحياتى 

وليد طه

(اللاكيه المغسول )

اللاكيه المغسول :
اولا تطهير الشغل من اى ذيادات فى الخشب.ثانيا معالجه العقد (البزوز )فى الخشب لو موسكى وعلاجها بدعك فص ثوم فيها او سقيتها جملكه.  ثم البدء فى المعجون وانواع المعجون كالاتى :
_معجونه زيت (غراء_ زيت مغلى -زنك _والربط بالاسبداج ويفضل الهبو )
*تصلح لسحب جميع انواع الاخشاب وخاصه المعرضه للشمس
_معجونه الورنيش (نفس مكونات معجونه الزيت لكن بضيف الورنيش بدل الزيت المغلى )
*تصلح لشغل الموبيليا وخاصه الكونتر الاندونيسى والكونترالجدود
_معجونه السانيتون (سانيتون _زنك _ورشه ماء بسيطه لربط المعجون )
*تصلح للاخشاب المستويه مثل MDF او الموسكى العموله بتمتاز بسهوله سحبها ولكن ماتساعدش لو الشغل محتاج تربيات
_معجونه لاكيه (نفس طريقه السانيتون مع استبدال السانيتون بلاكيه )
*نفس معجونه السانيتون لكن سحبها تقيل شويه واشد من معجونه السانيتون فى صنفرتها.
_معجونه الاستوك (معجون جاهز )
*يستخدم فى التلقيطات الكبيره او السوك المكسره لقوته وصلابته كما يفضل ان يسحب به حروف الكونتر ال MDF
-المعجونه الحمرا (نوع جيد من البرايمر _زنك -سبداج ) .
*تستخدم للاخشاب السوقى او التربيات الكبيره (مثل النجاره السوقى او الكونتر الحور او الكونتر المصرى ) وكانت بديل للاستوك قديما
_معجونه جبس (غراء_ ماء_ سبداج -زنك )
*تستخدم للحلايا والاويما وتدهن بالفرشاه.
-فى بعض الورش فى مصر بتشتغل بمعجونه عباره عن (غراء -سبداج -زنك ) ودى بيتسحب بيها زى معجونه الممتاز بيربى بها طبقات حوالى 3مللى او اكتر بحيث ان الخشب بعد المعجون يبان وكأنه متشطب و الميزه الوحيده فيها انها بتفرقع قبل ماتسلم الشغل اصلا.
بعد اختيار نوع المعجون المناسب للخشب يبدأ سحب المعجون ويفضل فى المساحات الكبيره (حشوات الموسكى مثلا ) سكينه طول وسكينه عرض وبحاول اكفى الشغل معجون.
نقاط مهمه بالنسبه للمعجون :
*يجب الاهتمام بنسبه الغراء فى المعجون بحيث لايكون قليل فيضعف المعجون ولا يكون شديد فتصبح سنفرته مشقه كبيره.
 *كلما كانت طبقه المعجون اقل كلما اصبح العمر الافتراضى للشغل اطول
*لو فيه جزء مكسور فى الخشب او محتاج تربيه كبيره بفضل تركها بعد البطانه والقطها استوك على قدها
*حلوق الابواب الموسكى لازم تتسحب عرض او تمشى عليها سنفره صاروخ لانها بتخرج من ماكينه التخانه على التركيب على طول والعضعضه اللى فيها هاتظهر وخاصه لو اللاكيه لامع او نص لامع .
*الاويما والحلايا او البرور لا افضل سحبها بالكاوتشه لانها بتخزن معجون وممكن تضيع شكل الحليا خاصه لو فيها تفاصيل دقيقه بفضل استخدام معجونه الجبس او تلقيطها بعد البطانه ولو لازم كاوتشه يبقى بعد البطانه لسهوله السحب وسهوله السنفره .
بعد الانتهاء من المعجون تأتي مرحله السنفره ويجب الاهتمام جديا بالسنفره وايضا بحرق السوك معايا وانا بسنفر.
بنضف الشغل من تراب السنفره ونبدا البطانه. وبالنسبه للبطانه الكلام فيها كتير وتقريبا كل صنايعى بتبقى ليه طريقه مختلفه. العادى ان انا ارش وش سانيتون بس انا هاتكلم عن طريقتى الخاصه السانيتون دهان جاف وسريع الجفاف والمعجون مابيلحقش يمتصه علشان كده انا بفضل انه يتشعر بزيت مغلى لو حتى الكيلو اضيف عليه عدد 2غطاء زيت مغلى يديله روح ومرونه وهى نسبه بسيطه جدا لن تؤثر على اللاكيه بعد كده او حل تانى ودى طريقتى المفضله برش وش سيلر اخشاب او اكتر فوق المعجون لان السيلر بيمتصه المعجون والخشب وبيعمل ربط بين الاتنين وبعد كده برش وش سانيتون   (كل ماذكر سلفا ماعدا معجونه السانيتون واللاكيه الاتنين بطانتهم سانيتون فقط او نص لاكيه )
بعد جفاف البطانه ابدا بالتلقيط والتلقيط بيكون بمعجونه السانيتون ولو الشغل محتاج يتسحب تانى مافيش مشكله برضه بنفس المعجونه.
بعد سنفره التلقيط بمسح الشغل كويس من عفره السنفره وابدا رش اللاكيه ولاكيه التشطيب يفضل انه يضاف عليه سانيتون لو الشغل هايتشطب مطفى يبقى نص لاكيه لو لامع ممكن يبقى تلتين لاكيه وميزه اضافه  السانيتون على اللاكيه اولا بيعضم اللاكيه ثانيا بيقلل من اصفرار اللاكيه مع الوقت.
اولا فى حاله تشطيب لاكيه  لامع بجهز كميه بويه تكفى الشغل او احفظ العيار (نسبه السانيتون واللاكيه ) ابدا برش وجه الاول وبعد جفافه اراجع على التلقيط لو فى تلقيط تانى او تلقيطه خاسه مثلا وبعد كده ارش وجهين تحميل ويترك حتى تمام جفافه.
بعد الجفاف يتم سحق اللاكيه بسنفره دوكو 1000 مع المياه وممكن ترغى المياه بصابونه حمام (بلاش الاريال او اى مساحيق )او سنفره دوكو وجاز بس دى محتاجه خبره وكمان مافيش جاز فى مصر (الكيروسين )  طبعا المقصود من الغسيل انك بتضيع حبايه الرش ويجب الحذر من السوك والحلايا وعاده اللاكيه بيريح عليهم وما بيحتاجوش غسيل هو بس ممكن يتقرص عليهم فى دعك الكمباوند
بعد الغسيل وتجفيف الشغل بدعك الشغل بكمباوند الاول وبعد كده بولش لاستعاده اللامعه.
ثانيا التشطيب المط او المطفى :
بجهز كميه كافيه من البويه وبعد التلقيط ارش وجه واحد ثم اراجع على التلقيط مره اخرى وبعد الاطمئنان على التلقيط ارش وجه محمل وقبل جفافه بجيب شراب ( فيليه)واملاه ببودره التلك واول مايبقى الشغل فيه تكه ابدا ادق بالشراب على اللاكيه (دق فقط وليس مسح )ويجب ان تغطى البودره كل اللاكيه (يعنى مافيش حته تبقى بتلمع )واتركه يوم او يومين ويتم سحقه بسنفره دوكو ومياه فقط حتى يزال اثر البودره ثم تجفيفه جيدا ومسحه بقطعه قماش نظيفه لازاله تجيير السحق وبقطعه قطن بملاها بودره تلك وادعك بيها الشغل لازاله اى اثر لاى تجيير. او ادعكه بولش وكمباوند ليعطى تاثير النص لامعه.
يجب مراعاه التوقيت فى حاله الشغل المطفى ويفضل ان صنايعى يرش واخر يبدر.
اسف على الاطاله واتمنى من الله ان اكون وفقت وتحت امركم فى اى استفسار او اضافه.
اللاكيه المغسول :
اولا تطهير الشغل من اى ذيادات فى الخشب.ثانيا معالجه العقد (البزوز )فى الخشب لو موسكى وعلاجها بدعك فص ثوم فيها او سقيتها جملكه.  ثم البدء فى المعجون وانواع المعجون كالاتى :
_معجونه زيت (غراء_ زيت مغلى -زنك _والربط بالاسبداج ويفضل الهبو )
*تصلح لسحب جميع انواع الاخشاب وخاصه المعرضه للشمس
_معجونه الورنيش (نفس مكونات معجونه الزيت لكن بضيف الورنيش بدل الزيت المغلى )
*تصلح لشغل الموبيليا وخاصه الكونتر الاندونيسى والكونترالجدود
_معجونه السانيتون (سانيتون _زنك _ورشه ماء بسيطه لربط المعجون )
*تصلح للاخشاب المستويه مثل MDF او الموسكى العموله بتمتاز بسهوله سحبها ولكن ماتساعدش لو الشغل محتاج تربيات
_معجونه لاكيه (نفس طريقه السانيتون مع استبدال السانيتون بلاكيه )
*نفس معجونه السانيتون لكن سحبها تقيل شويه واشد من معجونه السانيتون فى صنفرتها.
_معجونه الاستوك (معجون جاهز )
*يستخدم فى التلقيطات الكبيره او السوك المكسره لقوته وصلابته كما يفضل ان يسحب به حروف الكونتر ال MDF
-المعجونه الحمرا (نوع جيد من البرايمر _زنك -سبداج ) .
*تستخدم للاخشاب السوقى او التربيات الكبيره (مثل النجاره السوقى او الكونتر الحور او الكونتر المصرى ) وكانت بديل للاستوك قديما
_معجونه جبس (غراء_ ماء_ سبداج -زنك )
*تستخدم للحلايا والاويما وتدهن بالفرشاه.
-فى بعض الورش فى مصر بتشتغل بمعجونه عباره عن (غراء -سبداج -زنك ) ودى بيتسحب بيها زى معجونه الممتاز بيربى بها طبقات حوالى 3مللى او اكتر بحيث ان الخشب بعد المعجون يبان وكأنه متشطب و الميزه الوحيده فيها انها بتفرقع قبل ماتسلم الشغل اصلا.
بعد اختيار نوع المعجون المناسب للخشب يبدأ سحب المعجون ويفضل فى المساحات الكبيره (حشوات الموسكى مثلا ) سكينه طول وسكينه عرض وبحاول اكفى الشغل معجون.
نقاط مهمه بالنسبه للمعجون :
*يجب الاهتمام بنسبه الغراء فى المعجون بحيث لايكون قليل فيضعف المعجون ولا يكون شديد فتصبح سنفرته مشقه كبيره.
 *كلما كانت طبقه المعجون اقل كلما اصبح العمر الافتراضى للشغل اطول
*لو فيه جزء مكسور فى الخشب او محتاج تربيه كبيره بفضل تركها بعد البطانه والقطها استوك على قدها
*حلوق الابواب الموسكى لازم تتسحب عرض او تمشى عليها سنفره صاروخ لانها بتخرج من ماكينه التخانه على التركيب على طول والعضعضه اللى فيها هاتظهر وخاصه لو اللاكيه لامع او نص لامع .
*الاويما والحلايا او البرور لا افضل سحبها بالكاوتشه لانها بتخزن معجون وممكن تضيع شكل الحليا خاصه لو فيها تفاصيل دقيقه بفضل استخدام معجونه الجبس او تلقيطها بعد البطانه ولو لازم كاوتشه يبقى بعد البطانه لسهوله السحب وسهوله السنفره .
بعد الانتهاء من المعجون تأتي مرحله السنفره ويجب الاهتمام جديا بالسنفره وايضا بحرق السوك معايا وانا بسنفر.
بنضف الشغل من تراب السنفره ونبدا البطانه. وبالنسبه للبطانه الكلام فيها كتير وتقريبا كل صنايعى بتبقى ليه طريقه مختلفه. العادى ان انا ارش وش سانيتون بس انا هاتكلم عن طريقتى الخاصه السانيتون دهان جاف وسريع الجفاف والمعجون مابيلحقش يمتصه علشان كده انا بفضل انه يتشعر بزيت مغلى لو حتى الكيلو اضيف عليه عدد 2غطاء زيت مغلى يديله روح ومرونه وهى نسبه بسيطه جدا لن تؤثر على اللاكيه بعد كده او حل تانى ودى طريقتى المفضله برش وش سيلر اخشاب او اكتر فوق المعجون لان السيلر بيمتصه المعجون والخشب وبيعمل ربط بين الاتنين وبعد كده برش وش سانيتون   (كل ماذكر سلفا ماعدا معجونه السانيتون واللاكيه الاتنين بطانتهم سانيتون فقط او نص لاكيه )
بعد جفاف البطانه ابدا بالتلقيط والتلقيط بيكون بمعجونه السانيتون ولو الشغل محتاج يتسحب تانى مافيش مشكله برضه بنفس المعجونه.
بعد سنفره التلقيط بمسح الشغل كويس من عفره السنفره وابدا رش اللاكيه ولاكيه التشطيب يفضل انه يضاف عليه سانيتون لو الشغل هايتشطب مطفى يبقى نص لاكيه لو لامع ممكن يبقى تلتين لاكيه وميزه اضافه  السانيتون على اللاكيه اولا بيعضم اللاكيه ثانيا بيقلل من اصفرار اللاكيه مع الوقت.
اولا فى حاله تشطيب لاكيه  لامع بجهز كميه بويه تكفى الشغل او احفظ العيار (نسبه السانيتون واللاكيه ) ابدا برش وجه الاول وبعد جفافه اراجع على التلقيط لو فى تلقيط تانى او تلقيطه خاسه مثلا وبعد كده ارش وجهين تحميل ويترك حتى تمام جفافه.
بعد الجفاف يتم سحق اللاكيه بسنفره دوكو 1000 مع المياه وممكن ترغى المياه بصابونه حمام (بلاش الاريال او اى مساحيق )او سنفره دوكو وجاز بس دى محتاجه خبره وكمان مافيش جاز فى مصر (الكيروسين )  طبعا المقصود من الغسيل انك بتضيع حبايه الرش ويجب الحذر من السوك والحلايا وعاده اللاكيه بيريح عليهم وما بيحتاجوش غسيل هو بس ممكن يتقرص عليهم فى دعك الكمباوند
بعد الغسيل وتجفيف الشغل بدعك الشغل بكمباوند الاول وبعد كده بولش لاستعاده اللامعه.
ثانيا التشطيب المط او المطفى :
بجهز كميه كافيه من البويه وبعد التلقيط ارش وجه واحد ثم اراجع على التلقيط مره اخرى وبعد الاطمئنان على التلقيط ارش وجه محمل وقبل جفافه بجيب شراب ( فيليه)واملاه ببودره التلك واول مايبقى الشغل فيه تكه ابدا ادق بالشراب على اللاكيه (دق فقط وليس مسح )ويجب ان تغطى البودره كل اللاكيه (يعنى مافيش حته تبقى بتلمع )واتركه يوم او يومين ويتم سحقه بسنفره دوكو ومياه فقط حتى يزال اثر البودره ثم تجفيفه جيدا ومسحه بقطعه قماش نظيفه لازاله تجيير السحق وبقطعه قطن بملاها بودره تلك وادعك بيها الشغل لازاله اى اثر لاى تجيير. او ادعكه بولش وكمباوند ليعطى تاثير النص لامعه.
يجب مراعاه التوقيت فى حاله الشغل المطفى ويفضل ان صنايعى يرش واخر يبدر.
اسف على الاطاله واتمنى من الله ان اكون وفقت وتحت امركم فى اى استفسار او اضافه.
Waleed Taha

                (دهانات الاستر )

دهانات الاستر :
اول واهم خطوه تجهيز السطح جيدا وتنعيمه بالسنفره ومعالجه اى زيادات فى الخشب وتنظيف الخشب من اى غراء زائد بواسطه ازميل ثم تنفيض الشغل من الاتربه والدخول فى مرحله اللون (لو الشغل محتاج تلوين )
انواع بطانات الاستر :
1- بطانه اكاسيد :عباره عن اكاسيد يتم غليها فى الماء.
* تمتاز بطبيعيه الونها وتفضل للخشب العزيزى والموسكى لانها بتظهر السمره جيدا.
2 -بطانات الحصى : عباره عن الوان حصى يتم غليها فى الماء.
* تمتاز بتعدد وزهوه الوانها تفضل للقشره وخشب الزان والارو والبلوط.
3- بطانه الزيت : عباره عن زيت مغلى واكاسيد وقليل من النفط.
* تستخدم للخشب الموسكى والعزيزى فقط فى شغل الشروزيت (إن شاء الله يكون فى بوست لشرح شغل الشروزيت على حده )
4 - بطانه اللاكيه : عباره عن لاكيه الوان ويتم تخفيفه لدرجه مناسبه.
* تمتاز بمرونتها الفائقه وروحها طويله وتفضل لخشب الموسكى والعزيزى لانها بتظهر السمره اكتر من اى بطانه سابقه ويجب ان تترك يوما كاملا للجفاف
5 - الصبغات الجاهزه : تخفف بالماء
* تمتاز بالوانها الجاهزه وصبغيتها العاليه علشان كده مابفضلهاش فى البطانه ( راى شخصى).
بعد اختيار وتجهيز البطانه ابدا بصبغ الخشب  بتغريق الخشب بالصبغه (يفضل سفنجه ومشط للحليات والمزانق ) وتوزيعها جيدا ثم بقطعه قماش جافه واجفف الشغل فى اتجاه سمره الخشب.
*نقاط مهمه بالنسبه للبطانه : مهما كانت حرفيه الفنى لازم اعمل عينه للبطانه الاول على قطعه خشب (مش على الشغل )وتكون نفس نوع الخشب.
_ فيه فرق بين تفتيح اللون وتخفيف اللون. تفتيح اللون يكون باضافه لون فاتح للبطانه انما تخفيف البطانه هو تقليل كميه تركيز الالوان فيها وده بيكون بتذويدها ماء للبطانات المائيه ونفط للزيتيه.
- يجب مراجعه الشغل بعد تنزيله من على البنك وش وضهر خصوصا الابواب ذات الحشوات او الحلايا لانها بتخزن بطانه وهاتسيل عند توقيف الشغل.
بعد جفاف البطانه تاتى مرحله تثبيت البطانه وهى وجه او اتنين من خامه الخدمه اللى هاشتغل بيها وهى كالاتى :
1 - الجملكه : نوع ابيض ويدوب فى سبرتو ابيض وتستخدم لخدمه الشغل الابيض او المدهون على لونه (بعد حرقه بالاوكسجين والنشادر ) وجملكه حمرا تدوب فى سبرتو احمر للشغل الملون.
والخدمه بيها تكون إعطاء عده اوجه كافيه وتسيحها فى النهايه بالخفاف والسبرتو ولكنها خطوه محتاجه حرفيه ومهاره عاليه.
2 - السيلر : دهان سيليولوزى مالئ للمسام يخف بالتنر ويتم دهانه بالقطنه او بالفرشاه او الرش بعده اوجه يتخللها سنفره للتنعيم عند الحاجه.
بعد تثبيت البطانه تاتى مرحله المعجون
فى صنايعيه بتحب تمعجن قبل البطانه عموما فى الاستر (اللى تغلب بيه العب بيه ) بفضل المعجون بعد وشين جملكه او سيلر ومعجونه الاستر عباره عن (غراء. مياه. سبداج )والتلوين باكاسيد. تلون المعجونه لون قريب من الشغل ويجب الاخذ فى الاعتبار خامه الخدمه (السيلر يفتح المعجونه شويه والجملكه تغمقها شويه ) اهم حاجه ان المعجونه لونها مايطلعش اغمق من الشغل يااما نفس اللون او افتح شويه. بعد تلقيط المعجون وجفافه يتم سنفرته لازاله الزيادات ثم ينفض الشغل من تراب المعجون وتكمل مرحله الخدمه سواء سيلر او جملكه حتى تمتلئ مسام الخشب ويصبح عندى سطح متجانس وناعم. بعد الانتهاء من الخدمه يتم التشييك على المعجون بالنسبه للون (تشميط ) فى حاله لو المعجونه لونها افتح من الشغل بقلم مستريك صغير ولون بجملكه والون المعجونه وامسح بصباعى بخفه.
فى حاله لو الشغل محتاج تلوين بعد الخدمه يتم تلوينه بجملكه ملونه او بسيلر وده الافضل وتلوين السيلر بيكون باستخدام الصبغات الجاهزه وارش الشغل حتى اصل للدرجه المطلوبه.
بعد الانتهاء من التلوين تبدا مرحله التشطيب وخامات التشطيب كالاتى :
1 - ورنيش زيتى مط او لامع : منتج زيتى يخف بنوع جيد من النفط ويمكن دهانه بالفرشاه او الرش.
2 - ورنيش دوكو مط او لامع : منتج سيليولوزى يخف بالتنر ويتم رش الشغل وبعد جفافه يلمع بكمباوند وبولش (يمكن غسله بسنفره دوكو وماء قبل التلميع لو هناك حاجه لذلك )
3 - مجموعه زجاجيه : من عائله البوليسترات تاتى بالمصلب والمخفف تمتاز بإعطاء الشغل سطح صلب مقاوم للعوامل الجويه والاحتكاك.
طبعا عالم الاستر عباره عن متاهه ونادر ماتجد فنى بيشتغل زى الاخر. انا اختصرت كتير لطول الموضوع وتحت امركم فى اى استفسار خاص باى مرحله واتمنى من الله ان اكون وفقت.
(وليد طه )